COURSES DETAILS
Биологийн бичил судалгааны ажил
Онон Оюунбаатар
НЭМЭЛТ ХӨТӨЛБӨР
Тайлбар
Төслийн нэр: “Биологийн бичил судалгааны ажил”
Төслийн зорилго: Онолоор эзэмшсэн мэдлэгээ судалгааны ажлыг бие даан гүйцэтгэх явцдаа нотлон бататгах, судлан гүнзгийрүүлэх, судалгааны арга зүй эзэмших,
Судалгааны ажлын судлагдсан байдлыг уншиж судлах, өөрийн ажлыг арга зүйн дагуу бие даан судлах, үр дүнг урьдчилан таамаглах, үр дүнг энгийнээр тайлагнан илэрхийлэх, онолыг үндэстэй тайлбарлах, аюулгүй ажиллагааны талаар мэдлэг чадвар эзэмшүүлэхэд төсөлт ажлын зорилго оршино.
Төслийг хэрэгжүүлэх байршил:: “ШИНЭ ЭРИН” сургуулийн Биологийн лабораторид болон шаардлагатай зарим лабораторид
Төслийн үр дүн:
1. Сурагч бүрийн өөрийн гараар хийж буй туршилтын ажлын үйл явц болон үр дүн гаргасан судалгааны ажлыг дүрсээр баталгаажуулсан богино хэмжээний видео-бичлэг хийсэн байна. Ингэж дүрсжүүлснээр видео-бичлэгийг цаашид хичээл сургалтандаа ашиглах боломжтой болно.
2. Сурагчдын хийсэн судалгааны ажлыг бусад сурагчид гүйцэтгэхэд зориулж: “Судалгааны ажлын хуудас” боловсруулсан байна.
Ажлын хуудсанд:
a) Ажлын зорилго, аюулгүй ажиллагаа
b) Гүйцэтгэх арга зүйн дараалалыг алхам алхмаар зааварласан,
c) Ажиглалт болон үр дүнг тэмдэглэн авах
d) Үр дүнгээ боловсруулах, үр дүнг боловсруулан дүгнэлт гаргахад хөтөлсөн байна.
3. Зарим судалгааны ажлын үр дүнг постер болгон хэвлүүлж:
a) ОУ-ын хөтөлбөртэй 3 сургуулиудын “SCIENCE FAIR”-рт оролцож хэлэлцүүлэх,
b) Cambridge Upper Secondary Science Competition-д оролцож хэлэлцүүлэх,
c) Tsukuba Science Fair –т оролцож хэлэлцүүлэх,
Төсөлд хамрагдах сурагчдад тавигдах шаардлага:
Биологийн шинжлэх ухааны судалгааны ажил, туршилт хийх сонирхолтой, хариуцлагатай, тууштай ажиллах чадвартай 6-12 ангийн 15 хүртэлх сурагчид
Төсөлд хамрагдсанаар сурагчдын эзэмших чадварууд:
Асуудалд ажигч гярхай, нягт нямбай, нухацтай хандах
Баримт материал цуглуулах, түүнийг нэгтгэх, боловсруулах
Туршилтын багаж хэрэгсэлтэй ажиллах арга, эв дүй
Туршилтын тэмдэглэл хөтлөх, үр дүнг тэмдэглэх, боловсруулах арга зүй
Туршилтын үр дүнд үнэлгээ, дүгнэлт хийх
Багаар хамтарч ажиллах, багт тодорхой үүрэг хариуцлага хүлээх, түүнийг биелүүлэх шаардлагыг ойлгож мэдрэх
Багшийн удирдамж зааврын дагуу ажиллахын давуу талыг ойлгох
Төслийн үйл ажиллагаа:
Нэмэлт хөтөлбөрийг сонгон хичээллэж байгаа сурагчид 2-5 гишүүнтэй багт хуваагдана. Баг тус бүр 1-2 судалгааны ажлыг сонгон гүйцэтгэнэ.
Судалгааны ажлыг сонгохдоо:
a) Нэмэлт хөтөлбөрийн сурагчдын сонирхол дээр тулгуурлана.
b) Танхимын сургалтын үед гүйцэтгэх боломжгүй туршилтын ажлуудыг сонгон авч гүйцэтгэнэ. Жишээ нь:
- Туршилтын ажлыг гүйцэтгэх үед их хугацаа ордог
- Туршилтад олдоц ховор, үнэтэй бодис урвалж хэрэглэдэг
- Олон сурагч зэрэг хийх боломжгүй
- Аюултай, дэгдэмхий идэмхий бодис урвалжтай ажилладаг, аюулгүй ажиллагааны дүрмийг чанд мөрдөх шаардлагатай зэрэг болно.
Биологийн багш: О.Онон